Şam Qrafik Nümunələrinə Yiyələnmək

Texniki Analiz keçmiş qiymət hərəkətlərinə əsaslanaraq gələcəklə bağlı proqnozlar verməyə imkan yaradır. Bu məqsədlə bir çox treyderlər tərəfindən aktiv şəkildə istifadə olunur. Şam qrafik nümunələri isə texniki analiz alt mövzularından biridir. İllərdir bazarda istifadə edilən şam qrafikləri və nümunələri bir çox məşhur treyderlərin strategiyalarının əsas məntiqi nöqtəsi halına gəlib. İndi isə bazarın hər sahəsində şam qrafikləri ilə rastlaşırıq. Buna görə, bu əsas məntiqi nöqtələri strategiyamıza daxil etmək və ya ən azından onları alternativ olaraq bilmək zəruridir.

Bəzi treyderlər strategiyalar qurarkən texniki analizdə ən vacib mövzu olan şam qrafik nümunələrini gözdən qaçırırlar. Halbuki şam formaları bazardakı alıcı və satıcıların psixologiyasını gözəl şəkildə təsvir edir. Məsələn, şam qrafik nümunələri bizə bir rallinin başlayıb-bitməsindən əvvəl çoxlu məlumat verir, lakin investorlar bu məlumatdan istifadə etməyi unudurlar. Bunun əsas səbəbi isə şam formaları və strategiyalara dair qaynaqların çatışmazlığıdır. Bu məqamda biz bu kursu töhfə olaraq təklif edirik.

Bu kursda siz vacib şam qrafik nümunələrini necə şərh etməyi, onları qrafik formaları ilə birləşdirib birlikdə necə təhlil etməyi, həmçinin Parabolik Sar indikatoru ilə birlikdə necə sadə və aydın şəkildə təhlil etməyi öyrənəcəksiniz.