İnvestorun Yeddi Günahı

Tək bir sual: Homo economicus olduğunuzu düşünürsünüzmü?

İqtisadiyyat elmi uzun müddət bu termini sorğulamayıb, əvəzində tək bir təklif irəli sürüb: İnsanlar Homo economicus fərdlərdir. Homo economicusun ən vacib xüsusiyyətləri qazancını maksimuma çatdırmaq, faydanı maksimuma yüksəltmək və yalnız öz maraqlarına diqqət yetirməkdir. Yaxşı, bunları hamımız düşünürük və ya istəyirik deyə bilərsiniz. Ancaq Homo economicus bunları edən və ya etmək istəyən fərdlərin qüsursuz rasionala, məhdudiyyətsiz idraka və mükəmməl məlumata malik olduğunu deyir və davranış iqtisadiyyatının müdafiəsi məhz bu tələbin natamam olduğunu iddia edir. Təbii ki, investorlar da qazancını maksimum etmək üçün çalışırlar, lakin qərarlarını məhdud rasionallıq və ya irrasionallıq çərçivəsində qəbul edirlər. Tarix boyu baş verən iqtisadi böhranlar da iqtisadiyyatın irəli sürdüyü “homo economicus” nəzəriyyəsinin qüsurlu olduğunu sübut etmişdir.

“İnvestorun Yeddi Günahı” adlı təlimdə davranış iqtisadiyyatında “qərəzlər” adlandırdığımız qüsurlu davranışlardan bəhs olunacaq. Bununla yanaşı, bu davranışların investisiya prosesinə necə təsir etdiyinə baxılacaq. Qeyd etməliyəm ki, zamanla inkişaf edəcək bir proses sizi gözləyir, lakin bu prosesə qoşulmaq üçün əvvəlcə başlanğıc nöqtəsinə çatmalısınız. Bu təlim sizə, necə bir investor olduğunuzu və hansı davranışlara sahib olduğunuzu başa düşərək, bir başlanğıc nöqtəsi verməyi hədəfləyir. Kursda görüşmək diləyilə...